Tepisi su oduvijek imali značajnu ulogu. Njihova funkcija, prije svega u početku, nije bila samo estetska već funkcionalna. I danas ih uglavnom koristimo iz estetskih i funkcionalnih razloga, međutim njihova uloga se mijenjala kroz vrijeme.

Tepisi u sebi nose i značajnu poruku prošlosti, s obzirom na to da predstavljaju i dokaze kako se nekada živjelo, umjetnička su djela, bili su simbol bogatstva i često su dio religijskih običaja i nezaobilazni elemenat pri uređenju religijskih objekata.

Tepisi na samom početku njihovog nastajanja

Interesantno je kako je već pračovjek prepoznao značaj podnih prostirki, te su ih i oni imali čak u pećinama. Malo je predmeta koji su nam danas zajednički tj. malo je predmeta koje su koristili praljudi, a koje mi id an danas koristimo. Tepisi, doduše u izmijenjenom obliku, su jedan od tih predmeta. Naravno, onda se nisu nazivali tepisima, a osnovna funkcija tadašnjih prostirki bila je izolaciona. Moderni tepisi nemaju mnogo dodirnih tačaka sa tim prostirkama, ali njihova osnovna funkcija je ista. Svakako je da praljudi nisu prepoznavali tu estetsku svrhu kakvu mi danas prepoznajemo i posebno cijenimo kada su tepisi u pitanju.

Tepisi su nastali u 6. vijeku prije nove ere. Praljudi su odlučili da ih koriste kako bi se na neki način zaštitili od hladnoće. Naravno da su tepisi tada bili izrađeni od životnjske kože i krzna i to ih je najbolje grijalo u tim hladnim vremenima. Kasnije su životinjska koža i krzna pronašla i novu funkciju. Naime, služila su i kako bi se zaštitili otvori na pećinama i kako hladan vazduh ne bi ulazio unutra. 

Tepisi kao simbol bogatstva

Tepisi su kasnije kroz istoriju postali i simbol bogatstva. Kraljevi su ih imali u svojim odajama, čuvali ih i na taj način pokazivali djelić svog bogatstva i moći. To su uglavnom bili orijentalni tepisi, napravljeni od svile. I obično su ti tepisi imali bezbroj šara, međutim, sve su te šare imale poentu i nešto su predstavljale. Rijetko koji kralj je imao „običan“ tepih, uglavnom su svi bili oslikani na različite načine. Treba napomenuti i da je jedan od nastarijih tepiha, koji je bio simbol moći, napravljen od svile i vune, a dodati su mu i elementi zlata, srebra i dragog kamenja. Na ovom tepihu su se mogle vidjeti zelene livade i svi ostali elementi proljeća, poput cveća, ptica i voća.

Savremeni tepisi - dominacija sintetičkih materijala

I dan danas najpopularniji su persijski tepisi, koji imaju orijentalne momente i koje je nekada skoro svaka kuća imala. Danas, naravno, postoje i različite druge vrste tepiha, a obično možemo da ih podijelimo na one koji su izrađeni od prirodnih materijala, najčešće vune, i one koji su izrađeni od sintetičkih materijala. I jedni i drugi imaju svoje prednosti i mane. Tepisi od prirodnih materijala se malo teže čiste od fleka, ali svakako su vrlo korisni i vrlo su poželjni u svakom domu, jer štite od grinja i prašine, upijaju vlagu. Sa druge strane, tepisi od sintetičkih materijala se lakše čiste, posebno ukoliko nemaju rese. Takođe, korisni su ukoliko imate kućne ljubimce. Treba naravno znati i razliku u cijeni. Logično je da su sintetički tepisi povoljniji od tepiha koji su napravljeni od prirodnih materijala.

malisaveti

Komentari

Pratite nas na FB!

Lajkujte Recepte od A do Š!
X Zatvori